ان کے دستبردار ہونے کا مطلب ہے کہ آسٹریلیا کی ورلڈ کپ جیتنے والی ٹیم میں سے صرف سات کھلاڑی بھارت کے خلاف ٹی ٹوئنٹی سیریز میں شامل ہوں گے، ان میں ٹریوس ہیڈ، گلین میکسویل اور اسٹیو اسمتھ شامل ہیں۔

اس کے نتیجے میں، آل راؤنڈر آرون ہارڈی کو ڈیوڈ وارنر کی جگہ نامزد کیا گیا ہے، جو ٹیسٹ کرکٹ کو خیرباد کہنے کے لیے بالکل تیار ہیں۔

کرکٹ آسٹریلیا نے ایک بیان میں کہا، "سلیکٹرز نے فیصلہ کیا کہ وارنر ورلڈ کپ کی کامیاب مہم کے بعد وطن واپس آئیں گے۔"

قابل ذکر بات یہ ہے کہ ڈیوڈ وارنر نے آسٹریلیا کی کامیاب ورلڈ کپ مہم میں اہم کردار ادا کیا کیونکہ بائیں ہاتھ کے اوپنر 48.63 کی اوسط سے 535 رنز کے ساتھ ان کے ٹاپ اسکورر تھے۔

اتوار کو ہونے والے گرینڈ فائنل میں آسٹریلیا نے ناقابل شکست میزبان بھارت کو چھ وکٹوں سے شکست دے کر چھٹا ٹائٹل اپنے نام کیا۔

دونوں ٹیمیں 23 نومبر کو وشاکھاپٹنم میں شروع ہونے والی پانچ میچوں کی T20I سیریز میں دوبارہ آمنے سامنے ہوں گی۔